বুধবৰীয়া লিমাৰিক - ajoylal.com :: লাল ইংক (ৰঙা চিয়াঁহী)
https://www.facebook.com/drajoylaldutta

মহীৰূহৰ লেখা

বুধবৰীয়া লিমাৰিক

বুধবৰীয়া লিমাৰিক

Share This
বুধবৰীয়া লিমাৰিক

আমাৰ গাঁৱৰ স্মাৰ্ট ল’ৰা
হেপাঁহ তাৰ ৰাজনীতি কৰা
এবাৰ হ’ল জি এছ
এবাৰ হ’ল ভিপি
ছাত্ৰ সংস্থাত যোগ দি নহয়হে নহয় দৰা!

তাৰো আছিল গাৰ্ল ফ্ৰেণ্ড
বাইকত ঘূৰোৱাৰ ট্ৰেণ্ড
সময়ত তাইৰ বয়স বাঢ়িল
ঘৰলৈও দৰা আহিল
বন্ধুৱে কৰি দিলে প্ৰেমৰ ডি এণ্ড!

চান্দাৰ যদি পোৱা জুতি
মাংস আৰু শুকান ৰুটি
সংসাৰ চব মায়াজাল
বেচেলৰ হৈ থকাই ভাল
আঞ্চলিকৰ সম্পাদক হৈ থাকা আৰু লুটি!

আহচোন অ তই উভতি
ঘৰৰ চৰুত মাৰ খুটি
মাৰে বাপেৰে
আশা পালে
পাব বুলি নাতি-পুতি!

No comments:

Post a Comment

Sponsor

AD BANNER

Pages