শনিবাৰৰ লিমাৰিক

শনিবাৰৰ লিমাৰিক

ৱিক এণ্ডত বাৰ শনি
পকেটত যদি ইজি মানি
মদে মাংসই ডবাই খাম
তাৰ পাছত লং ড্ৰাইভত যাম
তাকো যদি নকৰিলা, কিহৰ হ’লাতুমি নতুন ধনী?

চৰকাৰে দিছে পাব খুলি
উচ্ছল মিউজিক ঢৌ তুলি
মৌচুমীহঁত আহিব
গধূলিটো জমিব
জি এচ ৰোডত নিদিবা কিন্তু ছোৱালীৰ কাপোৰ খুলি!

অসমৰে নতুন ডেকা
পোৱা নাই ন কোনো সেকা?
কিমান আন্দোলন হৈ গ’ল
তেজৰ নদী বৈ গ’ল
বহু নেতাৰ হাতে হাতে চেকা ৷

সুৰাৰ ৰাগীত নুটিবা
আই-বোপাইক চিনিবা
ঘামৰ বলত কৰা টকা
ফলিয়াব সপোন চকামকা
দেশৰ ধৰণী তুমিয়েই, কথাটো কিন্তু বুজি থবা ৷

(সকলো লিমাৰিক আৰু লেখাৰ বাবে ব্লগৰ লিংকঃ www.lalink-redindian.blogspot.in ক্লিক কৰক)