কেঁচা প্ৰেমৰ পদ্য
মই অংক শিকিবলৈ যোৱাৰ বাটত
তাই হিন্দী শিকিবলৈ অহাৰ কথা,
তাই হাঁহি হাঁহি ক’লে
জীৱন মানেইতো হিচাব নিকাচ
অংক শিকাটো খুবেই জৰুৰী;
মই মিচিকিয়াই ক’লো-
জীৱন মানেইতো মৰম চেনেহ,
‘কুচ কুচ হোতা হ্যে’ বুলি কবলৈকে
হিন্দী শিকাটো খুবেই জৰুৰী…
হিচাপত পকিল তাই
প্ৰেমত পকিলো মই;
উপসংহাৰঃ
প্ৰেমৰ চাকত মোৰ নাকনি নাবনি
আৰু তাই হাঁহি হাঁহি
হিন্দী চাৰৰ সুগৃহিনী….
No comments:
Post a Comment